Denbora daramagu Batzordetik
salatzen findegiko aparteko orduen gehiegikeria, dakizuen bezala,
urteko legezko muga pertsonako 80en dago, eta iaz langileen %15ak
gainditu egin zuen.
Salaketa horiek isunak
ekarri dituzte, badirudienez nahikoa izan ez dena, azken finean,
zuzendaritzak bai baitaki langile askorekin konta dezakeela, mailaz
igo edo kobratzeagatik, orduak sartzen geratzeko irrikitan
daudenekin.
Izan ere, salaketez gain,
isunez gain, P1aren datorren geldialdia jardunaldien luzapenen
arabera antolatzen jarraitzen da, ziurtasun estandarrarekin zer ikusi
gutxi daukaten ordutegiekin.
Petronorren gertatzen dena
izozmendiaren tontorra besterik ez da, atzean enpresa kontratistak
baitaude, eta sarritan aparteko orduekin jasotako etekinari esker
iristen direnez gutxieneko soldata duinera, egoera horiek ez dira
salatzen.
Bestalde, enpresak datu
ekonomikoak aurkezten dizkigunean edo murrizketaren bat justifikatu
behar duenean hainbat alditan erabiltzen duen krisialdia, ez da
kontuan hartzen lana banatzeko orduan, eta hala egin beharko luke
gizarte-erantzukizunarekin jarduteaz harro dagoen enpresa batek. Gure
inguruan %19ko langabezia dago eta datu horiek diharduten bitartean,
ezin daiteke ulertu aparteko orduak sortzea.
TUtik ulertzen dugu
jardunaldia luzatu beharreko momentuak daudela, baina ez gaude ados
zerbait planifikatu eta sistematikoa izatearekin, ezta atseden egun
bakarra duten txandak egitearekin, lanpostuaren erantzunkizuna dela
adieraziz, geldialdi guztian zehar deskantsurik gabe lan egitea
antolatzearekin, eta 12 orduko jardunaldiak ohikoak izatearekin. Asko
kostatu da lan jardunaldia arautzea, orain gure partaidetzarekin
arautze hori pikutara bidaltzeko.
Hori guztiagatik, gure erantzukizuna aparteko orduei ezetz esatea da, hobetzen saiatuz horrela inguruko egoera eta laneko ziurtasuna.
No hay comentarios:
Publicar un comentario