2015eko geldialdia, gardentasuna eta aparteko orduak

Urtarrilan 23an burutu zen bileran, Montserrat jaunak Enpresa Baztordeari eta prebentzio-ordezkariei otsailak 2an hasiko den Geldialdiaren plangintza aurkeztu zien. Urtarrileko hilabete osoan komunikazio estrategia berria erakusten ari dira, Petronorren historian zehar izandako geldialdirik gardenena izango dela, eta noski, orain arte, ordezkaritza sindikala gardena izan da, ez gaituzte ez ikusi ezta entzun ere. 

Nahiz eta gedialdi honek bere programazioan berritasunak izan, badakigu badirela aldatuko ez diren kontuak, aparteko orduen gehiegikeria esaterako, eta bertan parte hartzen duten pertsonek atseden une nahiko ez izatea, iraungo duen berrogei egun baino gehiagotan zehar. Zehazki, enpresak harro dio jardunaldien artean 12 orduko deskantsua ziurtatuko duela, baina legea beteko ez duela jakinez egiten du programazioa, ezin baitu baieztatu programatutako lanak betetzen direnean, inork ez gainditzea aparteko 80 orduen muga, hain zuzen ere, Langileen Estatutuan aurreikusten dena.

Egoera hori ere ez da berria, urtetikurtera salatzen dihardugu. Argi dago enpresari hobeto ateratzen zaiola isuna ordaintzea, jardunaldiak legeak dieon arabera errespetatzea baino. Hautazko ordutegi bat proposatzen du, esaterako, 8tatik 18tara astelehenetik larunbatera, jakinda aparteko 80 ordu sortzen dituela geldialdiak irautea aurreikusten den 40 egunetan. Arazo handiena enpresa kontratistetan dago, jende asko egongo baita lanean egunero 12 orduz eta bestela langabezira. Hori bai, jardunaldien artean 12 orduko atsedenaldia izatea ziurtatuko dute, legeak dioen bezala.

Aurkeztu dituzten berrikuntzen artean, arnastu daitekeen aire botiloilen erabilera dago, neurri horrek, hasiera batean 2010eko heriotz istripua ekidin zezakeen, ona iruditzen zaigu, nahiz eta azpikontrataturiko zerbitzu baten eskutik etorri. Lan baimenen araua aldatzen dute baita aldebakarrekora, modu horretan unitate eta talde batzuk kanpo operatzailearen arduratik kango geratuz. Zentzu horretan ez dira errespetatuko unitateen operatzaileen postuak geldialdietan mantentzeko irizpideak. Guzti hori, suposatzen da, zero istripuren helburuarekin. Helburu hori elkarbanatzen dugu, baina ez betetzeko modua, jardunaldien programazio arrazional batetik hasi beharko litzatekeena, eta ez gertaeren kontaketen erlajazioarekin, Segurtasun Batzordetik salatzen goazen modura. 

Eta a ze kasualitatea, bukatzeko momentuan, Montserrat jaunak esan zigun ahaztu egin zaiola aurkeztutako dokumentuan sartzea, alkohol eta drogen kontrolerako etxola jarriko dutela findegiaren sarreran. Espero dugu geldialdiaren prestakuntzan ahaztu zaion gauza bakarra izatea. Bitxia dena da, gai horri buruz prebentzio-ordezkariekin sarritan hitz egin dela akordioren batera iritsi gabe, horregatik, hain zuzen ere, esaten digu borondatezko erabilera izango duela, zehaztu gabe zer gertatuko zaion borondatez aurkeztu nahi ez duenari.

Fidagarritasun eta Mantentze zuzendariak ere geldialdiaren gainbegiratzean prebentzio-ordezkariek parte hartzea proposatzen du, nahiz eta berandu izan, gure borondatea beti segurtasuna bermatuz lan egitea dela erantzuten diogu horri. Horrela, saiatuko garela, gure esku ditugun neurriekin, guztia ahalik eta hoberen garatzen, eta parte hartzen duten pertsona guztientzat lan baldintza duinak eman daitezen. Horregatik, bide honetatik nahiz beste batzuetatik, iruditzen zaizkizuen esateko guztiak helaraztea nahiko genuke.