Hauteskundeen emaitzen balorazioa

 

 Lehenik eta behin, mila esker zuen laguntzagaitik, bidezko findegi baten alde lan egiten jarraitzen dugu. Hauteskunde hauen emaitza ez da nahi genuena eta gure ordezkari kopurua beherantz egin du, baina badakizue gogotsu jarraituko dugula lanean, findegian lan egiten dugun pertsona guztien lan-baldintzak hobetzeko. Zenbait balorazioa hasi aurretik: parte-hartzea %78,6koa izan da, hau da, azken hauteskundeetan lortutakoa baino bost puntu gutxiago. Abstentzioaren gorakada hori gehiago nabarmendu da hauteskunde hauetan. Erroldak ere behera egin du: 946 pertsona, 2020an baino 54 gutxiago. Horrek esan nahi du ordezkaritza 23tik 21era murriztu dela. Teknikari eta Administrarien Elkargoak bi ordezkari galdu ditu (12), eta Espezialisten eta Ez-kualifikatuen Elkargoak (9) berdin mantentzen da. Hemen ikusten da Batzordeak salatu duen enplegu-suntsiketa, Teknikari eta Administrarien Elkargoan nabarmenago egiten dena.

Emaitzei dagokienez, daturik garrantzitsuena gehiengo sindikalaren aldaketa da, konpainiaren historian lehen aldiz UGT eta CCOO sindikatuen esku baitago. Gure atal sindikalak pisu globala galtzen du, %27,8tik %23,4ra jaitsita, nahiz eta 2016an lortutakoaren gainetik egon. Espezialisten eta ez-kualifikatuen elkargoan botoetan gora egin dugu eta bigarren indarra izaten jarraitzen dugu 2 ordezkarirekin, baina ez dugu hirugarren ordezkaria lortu 4 botoen faltagaitik. Teknikari eta Administrarien Elkargoan 50 boto gutxiago lortu ditugu eta ordezkaritza 4tik 3ra jaitsi da.

Emaitza horien arabera, lehen indarra izatetik, hirugarrena izatera pasatu gara. Ez da lehen aldia, 2009an ere antzeko egoera jasan genuen, eta pixkanaka gora egiteko gai izan ginen. Kasu honetan bi gertakari aipagarri daude: batetik, UGTren ordezkaritzaren gorakada, eta, bestetik, ELAk izandako galera, 2016an 8 ordezkari izatetik 2024an 4 izatera pasatu baita. Horrekin guztiarekin, hainbat ondorio atera daitezke: teknikari eta administrarien artean ordezkaritza galtzeari dagokionez, agerian geratzen da sindikatu batzuek egiten duten zalantzazko lana emaitza ematen duela. ERTEaren kontrako borrokan jasandako higadurak faktura pasatu digu mobilizazioetan gehien inplikatu gineoi. Gainera, Repsol taldeko sindikatuek jakin izan dute, hitzarmena sinatu aurretik, atzerapenen kobrantza kapitalizatzen "tauletatik kanpo" deritzon kolektiboaren artean. Bestalde, ELAk espezialisten eta ez-kualifikatuen elkargoan izan duen boto galerak ez du igoera esanguratsurik ekarri gure alde. Baina bai izan dezake zerikusia abstentzio esanguratsuarekin, boto baliogabeekin eta boto zuriekin.

Hauteskunde hauen ondoren sortzen den batzordeak honako ordezkaritza hau lortzen du: UGT eta CCOO (6 ordezkari talde bakoitzeko), TU (5 ordezkari) eta ELA (4 ordezkari). Sindikatu nagusiek osatzen dute batzordea, lehendakaritza-kargua lehen aldiz sortuz, UGTren esku egongo dena, eta batzarra osagarritzat jotzen duen araudia ezarriz. Burokrazia, parte-hartze zuzenaren ordez. Gure aldetik, eredu sindikal asanblearioa defendatuko dugu erreferentzi gisa, batzordean salatzen ari garen zuzendaritzaren neurrigabekerien aurrean. Une delikatuan gaude non plantillaren murrizketa aurrera darrai, lan-eskubideen galerarekin batera, batez ere sektore prekarizatuenen artean. Hori lan sindikalaren bidez baino ez da lortzen, kolektiboa indartzea konplexua baita, baina, era berean, hurrengo urteetan aurkituko ditugun egoerak gainditzeko modurik onena ere bada.

Ziur gaude gure taldeak ekarpen handia izango duela aurrean ditugun erronkei aurre egiteko. 2025ean hasiko den ziklo honetan, hitzarmena negoziatu behar dugu kontutan izanda, Petronorren gehiengoa duen ordezkaritza berak Esparru Akordioa sinatzen duena dela. Egoera berri horrek atzerapausorik ekar ez dezan saiatuko gara.

Egutegiekin ere lan asko dago egiteko, bai seigarren txandakoa normalizatzen bada, bai zuzendaritzak udan egin nahi duen "gehiegizko" lanaldiari dagokionez. Enpresa kontratisten lankideak ere ezin ditugu ahaztu. Datorren urtean berriro negoziatu behar da Enplegu Egonkortasunaren aldeko Ituna, eta gure atal sindikalarentzat, behintzat, lan baldintzak okerrak hobetzeko aukera izango da. Gainera, segurtasunean lan handia dago egiteko. Guztion parte-hartzea beharrezkoa da, prozesu seguruagoa eta gutxiago kutsatzen duena lortzeko. Prebentziozko ordezkarien ekintza indartu behar da istripu guztiak argitara atera eta ikertzeko, lanean eta lanagatik gaixotzen ez garela ziurtatzeko. Hori zuen laguntzarekin baino ez da lortzen.

Gure atal sindikalak ordezkaritza hau du eratu berri den batzordean: Interpretaziorako Batzorde Mixtoan Javier Losa Vega; Berdintasun Batzordean Arantxa Alday Izquierdo; Prestakuntzarako Batzordean Javier Ceanuri Gandarias; Barne Antolaketa eta Harremanetarako Batzordean Idoia Zalbide Etxebarria; Gizarte Ekintzetarako Eduardo Crespo Casanueva. Ordezkari sindikal gisa Pablo Alonso Fierro eta Marta Prieto Fernández daude, azken hau, gainera, prebentziozko delegatua da Juan Carlos Bustamante Santínekin batera, eta segurtasunaren alderdi guztiez arduratuko dira.

Esan dizuegun bezala, talde honekin lanean hasten gara findegian lan egiten dugun pertsona guztien eskubideak defendatzeko eta lan-baldintzak hobetzeko. Ez izan zalantzarik gutako edozeinengana hurbiltzeko, lagundu dezakegun edozer gauzatarako.