XVII CC Negoziaioa

Gogoratuko duzuenez, negoziazioaren lehen bileretan adostu zen abuztuko hilabetea baliogabe uztea negoziaziorako eta ultra aktibitatearen zenbaketaren ondorioetarako. Orain iraila hasi dela eta, egokia iruditzen zaigu egun daukagun egoerari buruzko laburpen bat egitea, Mahai Negoziatzailearen berraktibapenari begira.

Lehenik eta behin, aipatu nahi dugu, abuztuko hilean etenaldia egitea proposatu zenean, zuzendaritzari gogoratu zitzaiola ez dela ari betetzen kontratazioaren inguruan hartutako konpromisoak. Hau da, ez ditu betetzen bajen, oporren eta epe luzeko baimenen ondorioz dauden postuak, edo ordezkapenak enpresa kontratisten bidez egiten dira, etxeko kontratazioekin egin beharrean. Horretaz gain, besteak beste, Laborategian, aurretiko erretiroren bat ematen denean, bitarteko kontratuak ez dira finko bilakatzen. Fuela Zamatzeko Tokian, berriz, hiru pertsona zeuden postuan, ez da inor jarri horietako baten aurretiko erretiroaren ostean.

Jarrera hori dauka zuzendaritzak bere eskaintza aurkezterakoan, Esparru-Akordioa besterik ez dena, hain zuzen ere. Irailaren amaiera baino lehen erantzun bat ematea nahi du, bestela atzera botako baitu eskaintza. Urte betera, 0,6ko igoera hartzen du barnean, ultra aktibitatean sei hilabete gehiago egotea, helburuen kobrantzetan aurretiazko erretiroa dutenak ere egotea, 58 eta 59 artean jaiotako pertsonen  diru-laguntza duten borondatezko kaleratzeak, eta 15 pertsonentzat lanerako ikastaro bat egitea.

Azken Mahai Negoziatzailean argi geratu zen Batzordeko gehiengo sindikalarentzat, negoziazioan aurrera egiteko oinarrizko ildoak soldaten igoera, ultra aktibitatea, kontratazioa eta ordu-murrizketa direla.

Gure atal sindikalarentzat garrantzitsua da azken puntua hainbat arrazoirengatik; alde batetik, txanden giza-taldearentzat urteko lanaldia 8 ordutara murrizteak, beste egutegi batzuk ezartzea errazten du. Hori bai, enpresak proposatutako kaleratzeek ezagutzaren indizearen jaitsiera garrantzitsua suposatzen dute, nahiz eta azken aldian ahalegin handia egin etengabeko prestakuntzaren inguruan. Estalduraren inpaktua txikiarazi eta orduen beheratzea egoki onartzeko, kontratazioa handitu beharko litzateke eta lehenbailehen  ekin lan-urte berriari.

Erraza da ezarpena lanaldi arrunta duen giza-taldearentzat, horretarako onartuz baita, Bilboko Aste Nagusiko ostiral handia egutegiko jai egun izateko proposamena. Gainerako denbora, irteerako ordua minutuen bidez murriztuz ezarriko litzateke. Gainera, norberaren bizitza, familia eta lana uztartzen laguntzen duen neurria da, eta berbera langile guztientzat.

Planteamendu hori argi eta garbi azaldu zen azken bileran, eta orain, zuzendaritzaren erantzunaren zain gaude, irailaren amaieran burutuko den batzarraren aurretik iritsiko dena: TUn argi daukagu geure hitzarmena negoziatu nahi dugula eta ez ditugula inposaketak onartuko, nahiz eta EEEak harrera ona izan dezakeen kaltetuen artean, negoziazioa ezin daiteke baldintzatu eskaintza horren arabera, eta Lantegiko Batzarra izango da erabakiko duena guzti horren aurrean zein izango den hartu beharreko jarrera.